3/13/2013

與咸美頓及TIGER WOODS 的一面之緣




一向好男仔頭的我, 都好鍾意好多男人嘅嗜好. 好似睇波, 儲黃金聖鬥士模型, 睇頭文字D, 星矢, 賽車等...



係04年去咗澳門睇賽車, 我之前都去咗幾年啦...好ENJOY嗰D引擎聲...由其是方程式賽車跑過時嗰種又震撼又剌耳嘅聲音...如果唔係喺現場, 絕對唔會感受得到...
我本人其實鍾意睇房車賽多D, 好似東望洋噉...但至從有咗咸美頓出現後, 我大大愛上了睇方程式賽.
一向都有留意來自英國, 當年仲係新人嘅咸美頓(HAMILTON), 除咗佢好有賽車天份外, 佢個外型都好吸引我...因為佢個FEEL好似我另一位偶像---TIGER WOODS.
對唔住, 我唔係種族歧視, 但黑人一向好少吸引到我...直至有一年係MISSION HILLS 見過TIGER真人之後, 佢嘅身型簡直係令我好興奮...好波之餘又有型, 好掂. 加上一直好專心打波嘅佢, 觀眾們叫極佢都唔應...但當佢打玩完一個好靚嘅190Y 距離PAR 3 一棍波落在洞邊2吋之後PUTT入嘅BIRDIE後心情大好, 佢行過私身邊我同佢講: NICE BIRDIE TIGER!", 佢終於笑笑口望住我講咗句: THANK YOU! 就係哩句嗰日唯一同觀眾講嘅話之後, 我更深深鍾意佢...
講番咸美頓, 佢個樣仲型過TIGER, 又無噉黑...嗰日係澳門見到佢, 可能仲係新人無大多亞洲人識, 見佢在係度眼望望, 個樣都好友善, 咪膽粗粗走埋去同佢傾計簽名影相囉...佢好NICE, 又有型...有求必應...從此之後, 我更愛看方程式賽車...可惜佢嗰站係澳門輸咗...
短短三年, 佢己經係今年一級方程式嘅頭號人物, 佢嘅風頭直情蓋過晒同佢一樣係麥拿侖車隊嘅上屆F1冠軍艾朗素. 佢仲好似有望成為至1950年後第一位首次參加F1便奪得冠軍的人...仲有幾個站喳...加油啦...
原來佢之前有個拍咗4年拖嘅港產女友JODIA MA, 佢哋係劍橋讀書識嘅...咦...香港女仔, 你哋有望啦...

1 則留言:

匿名 說...

A motivating discussion is definitely worth comment. I do believe
that you should write more on this issue, it might not be a taboo subject but generally folks don't
discuss these subjects. To the next! Kind regards!!

Also visit my homepage :: Charlotte Olympia Online