3/13/2013

Long Time No See的軟硬天師及黎明


今日, 係同一日入面同3個我識咗好耐嘅artist重逢. 知道軟硬同黎明一様都喺世貿有press con, 一於去探吓班. 今日見到佢哋, 仲無啦啦比阿JAN隊咗個電話比我做商台直播訪問; 真係好開心...
識軟硬係1988年嘅事, 當年13歲的我因為參加"新一代DJ選拔賽"而識佢哋. 之後仲因為個個禮拜六上去電台錄"飛越癲狂院"而熟悉. 因為發覺佢哋轉數好快, 更加上永遠係潮流尖端而鍾意咗佢哋, 而成為佢哋NO.1嘅頭號FANS. 但佢哋對我都當係朋友, 成日同我傾電話, 又會一齊去飛吓車. 阿葛手車好勁架...




開頭同阿JAN熟D, 嗰時阿JAN做”軟硬天師講鬼故”, 我晚晚節目完都會打去. 阿JAN接到我電話, 會HOLD起, 然後聽晒D聽眾講完鬼故就會同我傾陣計先走.最長試過半個鍾, 最少都有5分鍾. 直至有一晚, 佢同我傾完計後, 同我講話佢朋友阿葛唔開心, 因為成日朝早遲到報唔到馬路天使, 所以今晚要留係商台瞓. 叫我不如同佢傾吓計開解吓佢...結果同阿葛一傾就傾咗4粒鍾, 成4點先收線. 之後就同佢都熟絡咗哪...
我可以講係佢哋第一個DIE HARD FANS, 熟到連佢哋嘅屋企電話同地址都有. 如果佢哋當年攪fans club, 我一定做會長...可惜無攪.佢哋嘅event我全部都有去,大約兩年到,人大了也沒有再在廣播道等待了,便成了背後默默的支持fans,一樣有買他們的碟,看他們的節目及戲...想起當年追星嘅日子,雖然好像有點幼稚,但追隨軟硬實在帶比我有好多開心嘅童年回憶...
之前最後一次一齊見軟硬係95年,當年仲係做記者,係個event見到佢哋.亦試過係多年前吃飯分別撞到佢哋.直至今天,大約也有十年無見了,不經不覺已識咗佢哋18年哪...
今日見到佢哋,一路做訪問其間,阿jan已經見到我同我點頭打招呼.其實想同佢哋打個招呼比番張咭片比佢哋keep contact.到阿jan做緊商台”五天精華遊”節目直播電話訪問時,我比手勢阿葛話比張咭片佢,佢就叫我入去佢哋間房.雖然同阿葛噉耐無見但仲記得我,同佢講我做咗股票十年,佢見我將咭片係副總裁都嚇咗一跳...一路傾緊嘅時侯突然阿jan對電話內講:”而家係我面前係間鋪第一個客,亦係當年老人院第一個打嚟嘅聽眾bonnie,佢今日又噉巧係度,又著到鬼死噉靚又低胸(???),不如你問吓佢對我哋間鋪有咩感覺哪...?” 之後就隊咗個電話比我,好彩我都有d急才,芝c菇bee同余廸偉問我對軟硬嘅感覺,同形容吓間鋪同d衫...阿葛係後面解話:1988啦玻璃朱...段訪問好攪笑,之後我隊番個電話比阿葛.同阿jan傾咗陣計,好開心...佢哋仲送咗張親筆簽名海報比我啦...我亦同佢哋講我已經訂咗飛睇你哋個show,叫佢哋加油.之後仲同我影咗張相啦...死人阿葛又做埋晒d鬼五馬六嘅表情,激死...但係噉耐無見再見番真係好開心...軟硬永遠支持你!!!

至於黎明,係喺做93年記者時識嘅.佢當年對我好好,成日都比d獨家料我出,我同佢成隊crew好似助手子泉,化妝小偉,髮型sev一直都幾friend.當年因為有蘋果日報,狗仔隊令到d記者不被專重,所以我於95年亦離開了轉投股票至今,不經不覺都識咗13年啦.但念舊長情的阿黎也一直有跟我聯絡,間唔中也有去探佢班.唔似得有d artist,你做記者有利用價值就同你fd,一無做記者就第二個樣...佢人邊d人跟咗佢十幾年,我得閒都會同佢哋食宵夜吹吓水.
上次見阿黎係crazy classics演唱會後台探班,跟住係12月23號又係suger撞到佢同佢飲咗兩杯,我嗰日都飲到high high哋...
今日打比子泉,知佢5點有press con,佢都叫我去探吓班,順便飲杯茶.去到見到阿黎,因佢急住走,同佢寒暄咗兩句.之後就同小偉,sev同子泉去茶餐廳飲茶.因為一排無見,都幾多嘢傾,之後子泉仲車咗我去金鍾食飯啦...thank u晒.
今日真係好開心啦...

沒有留言: