3/13/2013

澳洲之旅08


今年農曆新年同爹哋媽咪一齊去旅行, 佢哋離咗婚二十幾年, 我噉大個女都係第一次同佢哋一齊去旅行, 所以好期待...我同我阿媽都好鍾意澳洲, 之前又未去個. 所以今次跟團. 我哋參加永安9天豪華團, 成二萬幾蚊一個人, 好鬼貴啦...不過都值得嘅...





我哋搭半夜機去布里斯班, 一落機己經天光. 第一站就去華納影城玩機動遊戲, 我最鍾意啦. D機動遊戲好刺激啦...正!
\
同我爹哋一齊玩跳樓機, 佢74歲啦...勁!

之後就去黃金海岸, 好多人surfing 啦...我都想...

Gold Cost Main beach

之後去再一棟係黃金海岸最高嘅住宅嘅展望台, 望晒成個海岸線...

第二日去咗翠兒河Tweed river, 係一條鹹淡水交界嘅河, 又有好多紅樹林...好正. D

放d蟹籠落河捉泥蟹, 我個籠有兩隻啦...

好大隻, yeah!

好好味啦, 不過佢哋搵d鹹水煮蟹, 所以鹹咗d.

之後再去牧場, 睇人剪羊毛, 剪到隻羊損晒, 好慘...


餵牛仔飲奶


哩隻叫駝羊

呢隻雞好得意, 好似我隻貓飯焦... :)

第三日飛到去開恩茲, 去再一個熱帶雨林.

仲有得同樹熊影相, 佢好重啦...

澳洲當然有袋鼠啦.

見到好多動物同戶外活動, 好開心! 不過成日要天光4,5點morning call, 真係蛇都死啦...

 
去到第四日, 行程就係我最期待嘅大堡礁啦...剛於幾個月前考咗個PADI 潛水牌嘅我, 梗係好想去最出名嘅地方潛水啦...

坐成兩個鍾頭船出海, 途經green lsland.

一去到就即刻潛, 唔係好深13米水到, 大部份係硬珊瑚, 見到哩條大蘇眉同海龜...

好大條啦...

哩條魚好"痴"人, 好似隻貓噉鍾意人哋摸佢下爬, 好得意...

yeah.

潛咗40分鍾後, 之後我去浮潛...我覺得浮潛正好多, 好多珊瑚係好淺水, 好多魚...正!

之後去食咗餐所謂澳洲菜...個導遊同我哋講好多澳洲人都食袋鼠, 我哋咪試吓囉...好似牛肉但硬d...之後番到香港同d澳洲朋友講我食過袋鼠, 即刻比人笑...佢哋話澳洲人唔多食袋鼠因為d肉硬, 大部份係用嚟做dog food....頂, 比個導遊"sin"咗嘢添...

第五日去到悉尼, 一去就去個seafood market...正! 大把蠔食啦..

又食mud crab, 好味...不過香港煮得好食d...

入埋悉尼歌劇院, 身後係悉尼大橋...
成日都係喺city行吓...無咩特別...可能日日早起又加上落雨已經無咩mood行街...

第六日去到墨爾本, 哩度係國會大樓.

酒園...

去咗淘金, 真係有d金沙啦...

淘金場好鬼西部feel
之後夜晚仲去咗睇d企鵝仔, 好得意...不過唔比影相.

最後一日去咗十二門徒石...最衰落雨...

凍到笑都唔識笑...
總括嚟講, 澳洲真係好正, 但跟團日日唔夠瞓真係好鬼辛苦...下次一定自己去...

朱庭萱
Bonnie

沒有留言: