久等了, 我birthday d相終於到手, 第一時間跟大家分享...
9月24日是小妹壽辰, 結果相約部份好友們一齊去位於銅纙灣明珠城一樓嘅"一生彩食健美"食日本自助餐. 哩度前身係"魚一丁", 係佢老闆Oscar林生介紹我去, d嘢食不嬲都好好, 唔同普通嘅魚一丁. 但最近改咗營轉做自助餐. 雖然係噉, d質素一d都無下降到, 百幾蚊一位絕對抵食, 所以我生日食飯都選咗哩度...
大約8時多, 好友們亦紛紛到場...
![](http://cdn.chiba78.com/uploads/content/file9_4820341001.jpg)
我嘅老死好姊妹Celia, 我哋成日都一齊賺錢, 一齊玩...I love u so much >0<
![](http://cdn.chiba78.com/uploads/content/file9_4360985374.jpg)
當然唔少得老闆Oscar Lam, 真係好多謝佢特登改遲一日上北京, 來參加哩個dinner...
![](http://cdn.chiba78.com/uploads/content/file9_3068418502.jpg)
阿峰, 一直好撐我. 佢跌咗成個錢包都照嚟...
![](http://cdn.chiba78.com/uploads/content/file9_2056955131.jpg)
靚女Ivy, 同佢識咗幾年, 最近玩得埋咗, 好鍾意佢d性格.
![](http://cdn.chiba78.com/uploads/content/file9_9938677979.jpg)
Brother Law又名百達羅, 成日都好照顧我哋...
![](http://cdn.chiba78.com/uploads/content/file9_9982745630.jpg)
Lester當日下午剛從日本番嚟, 晚上就嚟食飯. 好抵錫的弟弟...
![](http://cdn.chiba78.com/uploads/content/file9_1010405822.jpg)
我buddy伍樂城, 又有才華又有型...
![](http://cdn.chiba78.com/uploads/content/file9_7741058910.jpg)
好友Mandy同佢男友"酒筲箕"Tom, 我哋成日一齊食好嘢, 阿TOM好鍾意視錢財如糞土地買酒, 就係佢哋有份"隊"冧咗我男友.
![](http://cdn.chiba78.com/uploads/content/file9_4420855816.jpg)
好姊妹阿詩(中)同Katheryn, 佢哋搓十五二十最醒, 又有義氣.
![](http://cdn.chiba78.com/uploads/content/file9_1239276987.jpg)
Sharly份人又爽又直又玩得, 嗰晚同佢搓"舞女枚"笑爆全場...
朋友差唔多到齊, 就開始大吃大渴了. d魚生個個都讚新鮮, 又開始大飲Sake. 又要周圍敬酒, 之後仲打咗條莊啦. 嗰日狀態其差, 平均十幾人個個都要輸一, 兩杯...哎...都飲咗幾多. 幾經辛苦先打完...
玩多食多一陣, 就到拆禮物時間啦...
![](http://cdn.chiba78.com/uploads/content/file9_9636408287.jpg)
Oscar送嘅係香水
![](http://cdn.chiba78.com/uploads/content/file9_1557693623.jpg)
伍樂城送嘅係Vivian Westwood嘅手鏈, 好靚...
![](http://cdn.chiba78.com/uploads/content/file9_8415482983.jpg)
Ivy好有心, 知我屬虎, 特登送咗隻銀"豬"比我...豬同虎係"六合"啦...
![](http://cdn.chiba78.com/uploads/content/file9_1639940080.jpg)
Cheryll, Sharly同男友 Steven送咗個散子包比我, 好靚...
![](http://cdn.chiba78.com/uploads/content/file9_1447690880.jpg)
阿細Celia送咗個好靚嘅手袋比我, 仲要同個散子包係一套啦...
![](http://cdn.chiba78.com/uploads/content/file9_6201873342.jpg)
阿詩買咗頂Cap帽比我, 係我指定啦....
![](http://cdn.chiba78.com/uploads/content/file9_8657476222.jpg)
Katheryn送咗氣Moschino嘅頸巾比我, 仲有"愛麗斯"個樣啦, 好鍾意...細個阿媽成日話我似佢, 因為瘦到得排骨...
![](http://cdn.chiba78.com/uploads/content/file9_5809827935.jpg)
阿Joe當日係大陸做嘢都趕番落嚟出席, 十分比面. 仲帶埋紮花啦...之後佢仲同私partner打咗條"鎖鏈莊", 就係哩條莊攪到我醉咗. 阿Joe已經幫我頂咗好多杯酒, 十分有義氣. 可惜我都係去唔到下場...>__<
![](http://cdn.chiba78.com/uploads/content/file9_4470547447.jpg)
Jackie係我好友又係我生意上拍檔, 佢年年都送Burberry, 今年係長T...
![](http://cdn.chiba78.com/uploads/content/file9_8438386030.jpg)
個蛋糕好靚又好食, 仲好貴啦...係Owen喺Grand Hyatt訂.
![](http://cdn.chiba78.com/uploads/content/file9_9745430138.jpg)
你睇, 到切蛋糕時已經好醉, 眼都睜唔開, 仲要人捉住我隻手去切啦...
![](http://cdn.chiba78.com/uploads/content/file9_4486006748.jpg)
之後仲嘔咗兩次, 好彩有眾姊妹照顧...感激感激...
最後, 被人送到番屋企都係十二點幾, 雖然玩得好短暫, 但大家都真係好開心啦...
沒有留言:
發佈留言