3/13/2013

世界杯之旅--慕尼黑四強篇


首次置身慕尼黑世界杯球場
2006年7月5日
一心去捧英格蘭場的我們, 見8強慘敗在葡萄牙手下. 本以為可以再次睇英格蘭對巴西, 諗住無咗英格蘭仲有巴西, 點知一樣大熱倒灶. 雖然之前都唔覺得巴西有冠軍相, 但想唔到會在8強止步.



而我們張四強飛戲碼, 變成法國對葡萄牙...真係無晒興趣. 結果大家決定, 當日早d去球場賣咗D飛, 之後咗搵地方睇電視直播算...
當日我哋下午起身, 去咗市中心食德國豬手, 牛手. 之後便去球場了. 車程十分方便, 由市中心只需乘underground, 15分鍾便到了球場了. 下午6時我們便已經到達, 一心想嚟賣飛, 一定要早d嚟視察環境. 我們一出車站, 便已經有人向我們兜售, 開價六百歐羅一張二等飛. 一路行,一路不停有人兜售,似乎我哋有好多競爭對手.同我上次去日本睇英格蘭巴西,好多人只係攞住個紙牌寫住” I need ticket", 但無人賣的情景大大不同.結果我們決定試試賣一千歐羅去賣我們手上的3張一等飛, 人生的第一次炒黃牛經驗正式開始...

首次當黃牛黨
可能由於我係女仔, 好多人見我攞住3張飛都會走過嚟問吓價, 當開一千元歐羅一張時, 各人都露出很驚訝神情, 甚至很多人也反向我們說good luck.老實講,我都覺得開價過高.如果今場有英格蘭,相信賣二千歐羅一張都一定賣得出,因為英國人好捨得睇波嘅.但法國佬孤寒,葡萄牙人又唔係噉有錢...可況眾多黃牛黨頂難市,結果我們張價錢減至八百一張.
問價的人很多,但捨得買最貴價飛的人卻沒有.他們甚至開價一百歐羅...哎,而且甚至有很多看見飛面上的原價亦已走夾唔抖.大約堅持了個多小時,真的發現這兩國的球迷不願出高價,不至在靚位,只要平價入場感染氣氛便可.於是我堅持要減至六百歐元一張,否則時間愈少我們的飛愈不值錢,一向過份堅持要高價的男友亦無奈同意.
就在此時,有一位黃牛黨走過來,向我們說他的客人要靚位飛,更用高價二千一元歐羅買我們3張飛,但他要收一百元一張的佣金,我們當然一口應承.隨著他去見買家,原來是個來自馬來西亞的家庭,兩公婆加一對仔女.佢見到我哋問我哋係咩人,我話係香港.佢即好開心噉同我哋講佢係馬來西亞人.但知後佢只要2張飛,仲要壓價.我叫佢買埋個張平d比佢,因為淨番一張好難賣.結果最後以一千五百歐羅賣了2張飛.大家開心.
餘下的1張飛,我們真的很難賣出去.其間仲有警察過嚟警告咗我哋兩次, 好驚...直到開場前15分鍾,我們才以蝕本價二百歐羅賣掉.但起碼加上之前兩張飛的價錢,拉上補下,總算有不錯的成績.甚至有不少的黃牛黨友說我們今天是以全場最高的價錢賣了2張飛啦.
做完黃牛黨,我跟男友說我們來旅行,不是來賺錢.難得一場嚟到,不如買兩張平飛入場感染吓氣氛啦.結果我們由賣家變成買家,想以五十元買飛,但他們最平的也開價一百元.而且亦有不少人士出價五十元買門票.
就在此時,我見到有人賣兩張Hospitality kit (VIP)嘅門卷,我即時好有興趣.因為佢仲可以去個VIP area任飲任食.之前上網見過值成二,三千歐羅一張,佢而家開價七百蚊兩張.我真係覺得好抵,還佢六百蚊.但男友話我痴線用噉貴買番兩張飛.結果個賣家真係肯六百蚊比我.我係噉說服男友,話哩d飛好有紀念價值,一場嚟到唔好慳.佢結果還佢五百蚊兩張,條友唔理佢.男友係噉叫我等,話一開場就再會趺價.結果開咗場5分鍾到,條友始終都搵唔到買家,最終以五百蚊賣咗比我哋.我哋亦急急腳入場,入場卷像是跟八達通一樣, 是"嘟"入場的.  不用撕票尾, 所以我們可以保存一張完整的票.

炒了3個小時黃牛飛後筋疲力盡,終可入場做貴賓.

VIP飛是送給贊助商客戶,一套內有門票,貴賓區証,簡介及精美皮套.
入到場,已經是開了場大慨十多分鍾,真的十分幸運還未有入球.這個拜仁的主場真的十分漂亮,重建不過2年時間.我們的位置偏高,但正中,亦是該區的第一行.但比起我本身的票,於最底層部份的中間偏右,本人便比較喜歡本身那張了.雖然畫面不夠從高而望清楚,但至少感覺像跟球員近點.

壯觀的世界杯球場內部
不久,便出現了法國的十二碼,由施丹一腳勁射入網.本人實在不太在乎結果,當然有法國幫英格蘭報仇當然更大快人心.現場所見當C朗拿度一掂波,全場便噓聲四起,十分齊心.現場亦發現除了法國及葡萄牙的球迷外,更有不少各國的球迷.英格蘭球迷更經常無端端幫England打氣,大叫England!真係好攪笑.可能佢哋當咗白衫嘅法國係英格蘭,去安慰自己吧.
90分鍾的比賽很快就完,現場播起強勁的跳舞音樂去助慶法國得勝.不少球迷也起身一起跳舞狂歡.之後人群漸漸散去,我們便去貴賓區去任飲任食.經過一天的”企街”,"缺糧缺水",實在急不及待要去大吃一番.

貴賓區場館入口
貴賓區位於球場外旁邊,是一個臨時興建的場所.區內的人招呼很周到,地方很大.有一部份是live band演奏, 喝酒聽音樂, 一部份是食堂. 服務人員帶下到達了我們所屬之專區, 我們選了張6人很近拿食物嘅枱. 發現每一張椅背都掛住一份紀念品, 內裹有一個手錶, 銀紙夾及帽. 其中銀紙夾十分精美, 有個半立體的大力神盃, 及過往的冠軍隊伍名字, 亦有今屆世界杯的logo.

貴賓區食堂內
急不及待去拿食物了, 嘩! 簡直喜出望愛. 有燒牛肉, 泰式咖哩海鮮, 重竟然有原隻龍蝦...真係正到庳! 本人就食咗3碟龍蝦, 兩塊牛肉, 咖哩海鮮. 全部都好好食. 我仲飲咗3 杯香檳, 除咗香檳佢哋仲有紅白酒及啤酒, 及其他飲料...睇完波仲有d噉嘅待遇, 一個字---正!!!

一臉倦容, 但食品真是十分美味及吸引.
飲飽食醉, 都已經12點半了. 我們也要離開去趕尾班1點的undergrand. 之前人潮已經散了, 我們不用跟別人濟迫, 途步十分鍾便到了車站, 十分方便. 當然走前不會忘記跟這個發光的世界杯球場拍昔照留念啦. 今屆這個經歷真的很特別及難忘啦.


一起為世界杯喝采!!!

朱庭萱Bonnie

沒有留言: