11/15/2012

Shanghai F1 08 (3)


又見到safty car la




馬沙架車

Mclaren架radio...好型...可以隨時隨地(even係厠所)都睇足成個賽程.

我哋係坐Mclaren 個包廂, 係正佢哋個pit lane上面, 所以佢哋做pit stop我哋睇得好清楚. 佢哋d頭盔銀色好型啦...

Hennki爆咗嗰條軚

最終比Hamilton嬴足成條街...

同佢細佬擁抱

兩個我的最愛同台, 係我最鍾意嘅結果...

之後入咗pit lane後面...見到個拉利嘅工作人員攞住kimi個獎, 即刻攞嚟映吓先...

Vette

Hamilton

Kimi...

今次特登除咗眼鏡, 我好肯定佢一定唔會唔認得我囉...佢做完訪問行出嚟...佢行過我身邊我拍一拍佢隻手問佢認唔認得我, 佢終於望咗我一眼, 無表情地拍番我隻手一吓(噉即係點呀?)  之後d fans衝晒過嚟佢即刻走都走唔切...佢對d fans 真係好cool 囉, 理都唔理吓人...我就無再追啦, 哩d噉嘅情況下都唔會傾到d咩啦...心淡...
之後, 去咗kee club有個小型嘅f1 after party, 全部都係唔同車隊嘅人去, 車手就只係見到nico rosberg, 佢好靚仔架成個利安立度噉...我就約咗一個mclaren嘅靚仔同兩個ferrari嘅工程師去玩...同拉利個工程師講kimi架車, 佢話最大問題係熱唔到條軚, 同kimi唔穩定. micheal係最好喎...又話上年mclaren因為好想hamilton攞world champion, 所以中段後特登張alonso架車攪慢d...因為佢想英國車手攞...嘩...噉又真係衰d啦...
佢又話kimi飲酒時係好好人, 但平時係車場係好寸! (我領教過啦)...mclaren個朋友又話佢有個女仔朋友有次飲酒kimi又過去溝佢又攬住佢kiss...(嘩...哩條友都係食家嚟啦...), 之後拉利條友又爆料講kimi同佢老婆最近好似有d問題...(唔怪知周圍溝女啦...或可能佢溝得女多老婆頂唔順)...哎...kimi, 我而家醒晒啦...我唔再中你毒啦...>__<

朱庭萱
Bonnie Chu

沒有留言: