11/15/2012

北京08奧運之旅 (1)


藍天跟水立方融為一體...好靚...
本來都無諗住去奧運, 但係佢個開幕式實在太精彩了...而今次奧運實在太精彩了...所以, 係8月14日上午先決定去, 首先問咗朋友可以係佢屋企住...之後又可以用asiamiles換機票...定咗係15號晚機上北京, 星期一18號晚機番...之後, 即刻上網周圍搵飛...


本人最想睇菲比斯游水同男單網球決賽...因為我好鍾意拿度....好辛苦先搵到個北京國內嘅bbs"奧運社區"入面的門票轉讓...當日下午搵到16日早上十點嘅水立方門票...每張原價$300嘅B票結果$4250成交包送貨...而到15號上午再搵埋17號下午四點嘅網球門票...由於費達拿出咗局, 門票由$5000 跌至$3000仲要係A票原價$600...估唔到自己今次辦事效率噉高...一日半攪點晒...星期五晚機去到北京成12點...個新機場好大好靚...同香港嗰好似但係大3倍...好嚇人...當晚即刻瞓, 因為第二日要一早起身啦...

由於司機大佬係好遠放低咗我哋, 又要搭咗程地鐵又要排隊過撿查...攪到一早起身跑到成身汗趕入去水立方...遲咗幾分鍾...但好彩趕得切睇菲比斯...

佢嘅第七金係一百米蝶泳, 僅以百分之一贏對手...好險啦....

一個字...勁!

水立方真係好靘啦....

話晒都起咗十億啦...一分錢一分貨...

噉難得梗係要映多d相啦....雖然四千幾蚊只係睇咗6場賽事同坐咗一個幾鐘, 但入到去真係無憾...

水立方內的大堂, 有小食部但無嘢食賣(賣晒), 有賣記念品但又係所餘無幾...


水立方內一條參賽者通道, 相右手面是比賽場館, 左手面是練習池...

當日天氣好到爆, 藍天白雲估唔到兩年無去北京佢可以空氣好咗噉多...

YEAH! 水立方 真係好靚...

走過對面就係鳥巢啦...好大好壯觀啦....

朋友用咗d古惑招同我入咗鳥巢...小朋友千其唔好學啦...請原諒, 我都係想映吓相唧....

好宏偉啦...真係好靚...

支火炬真係好鬼大, 好有氣勢...

廣播塔...

左手面係體育館, 右面係劍擊館....

水立方後係盤古, 係酒店, BILL GATE 咪住嗰度囉...

下沉花園內的鼓裝飾...天氣好映咩都靚d...

之後都去咗故宮博物院, 再去食北京填鴨...本人推介"大董"...

北京08奧運之旅(2)待續...


朱庭萱
Bonnie Chu

沒有留言: