Le Creuset【北菇滑雞煲仔飯】食譜

大家都知用Le Creuset 的鑄鐵煲所煲的飯是特別好食，時間又快．鎖水強熱力夠的LC，用來做煲仔飯更加一流．今次就做個【北菇滑雞煲仔飯】啦．


二人份量

材料：

雞脾肉 －－－ ３隻（切細）
冬菇 －－－ ３粒（浸軟切條）
米 －－－ １．５杯（米杯）
水 －－－ １．５杯（水不要下太多因雞會出水）

調味：

豉油 －－－ １湯匙
紹酒 －－－ １湯匙
麻油 －－－ １茶匙
生粉 －－－ 半茶匙
糖 －－－ 半茶匙


１）調味料放入洗淨的雞粒及冬菇絲，醃最少１５分鍾以上．

２）洗過的米，有時間可以浸水２０分鐘才煮，若沒時間也可以即煮．用中火加蓋煮１，２分鐘至水滾，再用筷子攪勻一下以防黐底．

３）蓋上蓋一會令煲內加熱，再轉小火再煮３分鐘至收水．

４）加入所有配料平鋪在飯面．

５）蓋上蓋把火調大加熱一會，再轉回小火煮１０分鐘．若要飯焦，最後把火加大多煮幾十秒．

６）不要開蓋，再焗１０分鐘，即成．

加入少許煲仔飯豉油，又香又美味．雞肉又滑，好好味啦．

還有少許飯焦，正正正．又簡單又好味．

晚上很少吃飯的我實在忍不住也吃了兩人碗飯，真是正啦．若你想用ＬＣ煮白飯，中火煮１，２分鍾滾起後攪勻，再蓋蓋小火煮１８至２０分鍾便可．比起電飯煲省時一半啦．

玻璃朱 Bonnie