醉醺醺生日的照片分享

久等了, 我birthday d相終於到手, 第一時間跟大家分享...

9月24日是小妹壽辰, 結果相約部份好友們一齊去位於銅纙灣明珠城一樓嘅"一生彩食健美"食日本自助餐. 哩度前身係"魚一丁", 係佢老闆Oscar林生介紹我去, d嘢食不嬲都好好, 唔同普通嘅魚一丁. 但最近改咗營轉做自助餐. 雖然係噉, d質素一d都無下降到, 百幾蚊一位絕對抵食, 所以我生日食飯都選咗哩度...

大約8時多, 好友們亦紛紛到場...

我嘅老死好姊妹Celia, 我哋成日都一齊賺錢, 一齊玩...I love u so much >0<

當然唔少得老闆Oscar Lam, 真係好多謝佢特登改遲一日上北京, 來參加哩個dinner...

阿峰, 一直好撐我. 佢跌咗成個錢包都照嚟...

靚女Ivy, 同佢識咗幾年, 最近玩得埋咗, 好鍾意佢d性格.

Brother Law又名百達羅, 成日都好照顧我哋...


Lester當日下午剛從日本番嚟, 晚上就嚟食飯. 好抵錫的弟弟...

我buddy伍樂城, 又有才華又有型...

好友Mandy同佢男友"酒筲箕"Tom, 我哋成日一齊食好嘢, 阿TOM好鍾意視錢財如糞土地買酒, 就係佢哋有份"隊"冧咗我男友.

好姊妹阿詩(中)同Katheryn, 佢哋搓十五二十最醒, 又有義氣.


Sharly份人又爽又直又玩得, 嗰晚同佢搓"舞女枚"笑爆全場...
朋友差唔多到齊, 就開始大吃大渴了. d魚生個個都讚新鮮, 又開始大飲Sake. 又要周圍敬酒, 之後仲打咗條莊啦. 嗰日狀態其差, 平均十幾人個個都要輸一, 兩杯...哎...都飲咗幾多. 幾經辛苦先打完...
玩多食多一陣, 就到拆禮物時間啦...

Oscar送嘅係香水

伍樂城送嘅係Vivian Westwood嘅手鏈, 好靚...

Ivy好有心, 知我屬虎, 特登送咗隻銀"豬"比我...豬同虎係"六合"啦...

Cheryll, Sharly同男友 Steven送咗個散子包比我, 好靚...

阿細Celia送咗個好靚嘅手袋比我, 仲要同個散子包係一套啦...

阿詩買咗頂Cap帽比我, 係我指定啦....

Katheryn送咗氣Moschino嘅頸巾比我, 仲有"愛麗斯"個樣啦, 好鍾意...細個阿媽成日話我似佢, 因為瘦到得排骨...

阿Joe當日係大陸做嘢都趕番落嚟出席, 十分比面. 仲帶埋紮花啦...之後佢仲同私partner打咗條"鎖鏈莊", 就係哩條莊攪到我醉咗. 阿Joe已經幫我頂咗好多杯酒, 十分有義氣. 可惜我都係去唔到下場...>__<

Jackie係我好友又係我生意上拍檔, 佢年年都送Burberry, 今年係長T...

個蛋糕好靚又好食, 仲好貴啦...係Owen喺Grand Hyatt訂.

你睇, 到切蛋糕時已經好醉, 眼都睜唔開, 仲要人捉住我隻手去切啦...

之後仲嘔咗兩次, 好彩有眾姊妹照顧...感激感激...

最後, 被人送到番屋企都係十二點幾, 雖然玩得好短暫, 但大家都真係好開心啦...