與兩日本少女合照留念...yeah!
又到聖誕, 自從兩年前去過北海道後, 己經決定每年年尾都會去一次. 今次又係同一班陣容...Lilian 同 Peter , Ivy...再多埋阿郭一家...次前去過留壽都同朼榥國際滑雪場後, 今次梗係要去日本最頂級嘅滑雪聖地--二世古(NISEKO).
2007年12月25日
同Ivy坐早機到大阪轉機, 去到新千歲機場己經6:30pm. 去到見點解機場無雪架, 好驚... 之後再搭巴士見到出邊都有雪, 即刻放心晒. 當我哋二世古東山太子酒店時, 己經係當地十點鍾. 會合早我哋少少到嘅Lilian and Peter, 食少少嘢, 就相約一齊去大浴場沖涼浸溫泉...好好笑, 因我從空內溫泉望出去見到一個大池, 以為係溫泉, 點知見到好大條魚係度游水...即刻叫我d朋友睇...個個嘩嘩聲, 唔信個溫泉點解會有魚...之後出去個露天溫泉, 先發現個溫泉原來係個魚池邊...哈哈! 真係攪笑...由於溫泉水會流去魚池, 所以無結冰. d魚仲游晒過嚟好近個溫泉, 可能d水暖d啦...
浸完溫泉, 我哋仲著晒厚衫出去outdoor飲香檳, 從未飲過噉凍嘅香檳, 好正...
200712月26日一班夜鬼去旅行個個都瞓到鬼死噉晏先起身去滑雪, 不過好彩D早餐卷可以當錢用嚟食午餐唧. 十一點起身食埋晏成1點幾先落到場.
北海道的羊啼山有真富士山之稱, 全北海道最高.
從房間向外的雪景, 很美...
從滑雪映二世古東山太子酒店
上年最尾嗰日我玩SNOWBOARD玩得幾好結果租番SNOWBOARD...結果...當日嘅惡夢開始...
係下邊WARM UP咗一陣, 因個GONDOLA 3:45PM就快關, 所以便胆粗粗自己上口咗去啦...嘩...二世古個山都好高下,成9分鍾先上到山頂...本來都唔係好驚, 但見D SLOPE一個斜過一個...我又好似成年無玩未WARM UP 夠...一係一路碌落山囉...趺到起碼一百次...仲好似碌極都未到...足足個半鍾先番到山腳...又去錯咗第二間酒店...終於見番自己間酒店時, 真係好似劫後重生噉...
驚嚇後的我換番SKI
番到去, 驚惶萬分嘅我拿拿聲換番套SKI先...再見到D朋友...原來PETER又係好似我一樣, 成個鍾先碌番落嚟...之後睇反個地圖, 原來我頭先有D SLOPE 有D 係黑有D係紅...對於我哩D BEGGINER 真係太勁...大家以後真係好小心D, 二世古個山頂係有別於我之前去嘅留壽都...難好多啦...
好啦, 休息完一輪, 我哋決定去D BB SLOPE 練習吓先. 玩到7:30PM 大家都 PACK UP 唔少...知後就一齊食晚飯, 浸溫泉..好正!!!
我, 蘇師傅同IVY自拍於LIFT
2007年12月27日
今日落好大雪啦, 又係成12點先起身滑雪.經過尋日嘅經驗, 我哋已經研究好山上D初學者路線...首先又係BB SLOPE WARM UP吓先, 之後又搭GONDOLA上山...我其實都驚驚地, 仲要愈高愈視野不清, 能見度得十米...但我哋好彩今次帶埋地圖跟正路線行, 所以都應付到...起碼都係跌十次到唧...
我哋哩條路線係由我哋東山(HIGASHIYAMA)哩邊滑去比羅夫(HIRAFU). Hirafu 個course濶d又易少少...啱晒我哋玩. 今次40分鍾可以滑落山...好好玩...見個slope 易d, 決定換番snowboard聽日玩...
又係食飯, 浸溫泉...之後仲叫咗條友上房按摩...個按摩男話佢日頭係教練教滑雪...單對單教兩個鍾都係三百幾蚊港紙...即刻約咗佢明日教我snowboard 同教lilian ski 啦... 佢按摩都好正啦.
我的教練及按摩師MASA
2007年12月28日
今日終於可以早起身食早餐, 因為十點半學snowboard. 哩兩個鍾好快就過, 經過導師指導都可以掌握到用toe轉向嘅技...阿sir都話我好有天份...
各朋友大約12點浦頭, 又再一齊相約上山, 但今次我就玩snowboard...各人技術都大有進步, 玩得好開心. lilian 都可以學到ski啦...決定復活節再嚟玩過.
2007年12月29日至2008年1月1日.
29號離開二世古當日, 落好鬼大雪啦...去到東京已經7點...大家千其唔好係29號至3號哩段新年時間去東京shopping, 因為好多名店都無開啦....結果日日都係行街食嘢飲酒瞓...都幾悶...
有日係表参道行街見到有個客人帶埋隻好鬼細同得意嘅馬騮仔行街. 好鬼得意即刻走咗過去同佢映相...你睇人哋國家幾好, 可以帶埋寵物入商場, 馬騮都養得...香港? 幾難啦....
朱庭萱
BONNIE
沒有留言:
發佈留言