Singapore F1 2008

上個星期去咗新加坡睇我期待已久嘅F1 NIGHT RACE, 係第一個夜賽同第一次係新加坡攪...作為F1 FANS 嘅我, 大半年前已經買咗飛啦...

26號星期五黃昏到新加坡, CHECK IN 後第一時間去SUNTEC CITY 攞飛, 因為收8點...好彩唔算好塞車...但都係啱啱趕得切...去到嗰頭已經聽到D好勁好刺耳嘅F1車聲...同睇電視真係好唔同, HIGH到我D毛管都起晒...

入到去睇練習賽, 無咩特別..志在熟習吓環境...我哋個叫PADANG STAND, 嗰度有個好大嘅草地, 好多人瞓晒係度睇大電視, 個FEEL幾好...又有大舞台同DISCO, 好似個大PARTY噉...又有好多新加坡美食...好正...

第二日27號, 去咗睇排位賽...MASSA排第一, HAMILTON排第二, RAIKKONEN第三...之後, 番酒店換衫出去浦. 去咗POWER HOUSE因為有個JOHNNY WALKER 嘅EVENT, 仲叫到前F1 世界冠軍MIKA HAKKINEN (夏傑倫)啦...嗰日係慶祝佢生日啦...

WITH MIKA AND FRIENDS

最後一日, 28號嘅比賽, 我發現睇電視好似刺激過現場睇...SAFTY CAR 嘅出現攪到亂晒...馬沙PIT STOP嘅意外, KIMI又"林尾香"...哎...結果益咗ALONSO, ROSBERG 第二, 我偶像HAMILTON第三...之後仲落咗COURSE 行吓...

MASSA炒車嗰個彎...

LEWIS HAMILTON 咸美頓

哩架應該係RED BULL...

SINGAPORE FLYER IN THE RACE COURSE
之後, 當然去浦啦...去咗幾間唔同嘅CLUB, 飲到成4點, 之後有FRIEND話D車手係AMBER LOUNGE, 即刻去嗰度啦...只有VIP先去到, 但唔知點解比我入到...

佢哋專攬F1 DRIVERS PARTY, 一張枱要成十幾萬港紙, 普通入場費都要六千幾蚊...

一入到去舞池見到MARK WEBBER同個鬼妹跳緊舞, 佢真人好有型, 又高大...

行吓行吓竟然見到我偶像LEWIS HAMILTON個老豆ANTHONY...即刻同佢傾計, 話佢知我4年前已經鍾意你個仔, 佢嗰時都未出名無人識, 仲比咗我同HAMILTON係澳門4年前映嗰張相佢睇啦...我仲同佢講佢係一個好好嘅爸爸, 為咗SUPPORT個仔去賽車要打三份工...佢好開心, 即刻問我會唔會去上海, 我問番佢你可以帶我去PIT LANE見LEWIS 嗎? 佢話應該無問題...仲比個EMAIL 我...點知我醉醉地入極都入唔到,,,佢就問我攞我個EMAIL, 我比咗佢佢話SEND咗比我...但我之後CHECK都無...都唔知係咪醉醉地講唔清楚...哎...錯失大好機會...我淨係記得佢個EMAIL開頭係ANTHONY囉... >__<

KIMI RAIKKONEN 拉高倫

之後行行吓, 比條友捉住我隻手拉我坐落去佢張枱, 一睇嘩原來係上年嘅WORLD CHAMPION FERRARI 嘅 KIMI RAIKKONEN...佢問我叫咩名, 我話BONNIE, 跟住扮唔知佢係邊個問番佢"WHAT'S UR NAME?" 仲話"KIMI"...心諗我點會唔識你啦...之後成晚就坐咗係佢張枱同佢傾計...表面上當佢係普通人扮唔知佢係咩水, 但其實開心到爆...一直都覺得佢係F1車手入面最靚仔...估唔到會比佢溝...我哋完全無講過賽車嘅嘢, 佢問我係邊度嚟, 我話HONG KONG. 問番佢係邊度嚟佢(我梗係知啦) 佢話芬蘭...佢把聲好得意, 我完全聽得明佢D英文估唔到...佢好CUTE好NICE. 著住件白色TEE 同白帽. 我飲香檳, 佢好似飲VODKA...佢同我講佢未嚟過香港...傾咗一論, 佢同有條友咬完耳仔後突然問我"R U HAMILTON"S FAN?", 我扮聽唔明佢再問多次, 我又扮聽唔明..佢之後笑笑口講IS FINE NEVER MIND 之後又繼續傾計...SORRY LA HAMILTON係哩危急關頭我出賣咗你...都唔知邊條友報寸...

我個FRIEND之後同我講番當我同KIMI傾緊計時佢個助手仲用佢哋部相機映我哋, 但我個GIRL FRIEND見到即刻攞自己部相機映低但佢個助手即刻按住唔比佢映...所以無合照...>__<

我好記得我有問佢你有無女朋友, 佢話無...(後來我上網CHECK先知原來佢4年前結咗婚...哎...佢無握我佢真係無女友, 但有老婆...FEEL BAD)...之後我哋一行五人仲去咗佢酒店繼續飲...有架車嚟接我哋後面好迫我仲坐咗係佢大脾...我都好HIGH有D斷片...佢哋間房係好大嘅SUITE, 有個好大嘅露台, 我哋仲係嗰度飲酒吹水...同佢個助手係度講FINNISH...唔知佢哋講咩...不過佢真係愈睇愈有型, 個樣COOL COOL地, 但又好BABY FACE...最後我走時, 大家都無問大家攞CONTACT (自己嗰時扮型, 而家後悔到死>__<)...ANYWAY 哩個都真係一個好SWEET嘅MEMORY嚟嘅...哩晚之後仲攪到我變咗佢FANS啦...


朱庭萱

BONNIE CHU