4/24/2014

【椒鹽琵琶蝦】食譜

21年前自己經常煮「椒鹽瀨尿蝦」,當年學煮菜沒有互聯網食譜都是靠我打電話問姨媽及街市佬教。椒鹽蝦便是街市佬教的其中一味。近年因老外榮不太喜歡剝殻,所以很少煮瀨尿蝦。反而最近食過幾次琵琶蝦,其肉質嫩滑爽口似龍蝦,又鮮甜又不用剥殻,而剛在街市又見有得買,便決定煮給老外榮試試。好開心他食後大讚!在這裡也跟大家分享一下食譜!


二人份量

材料:

琵琶蝦---2隻
蒜頭---1個(切碎)
指天椒---2隻(切粒,喜歡辣可多加)
淮鹽---1.5茶匙
紹酒---1湯匙

1)食之前才劏,洗淨抹乾再開邊。之後灑上生粉,由其是要灑在肉及膏上,以防炸及炒時會散(跟煮蟹走油時一樣)。

2)下多點油,油滾後轉中火,放入蝦走油(我省油所以用半煎炸方式走油)。先炸蝦肉那面,再反其他兩面炸至蝦7成熟便可(約炸2分鐘,在最後階段轉大火炸,目的要把蝦內油份迫出及令蝦更金黃)。

3)走過油的蝦隔起油備用。

4)留起約3湯匙炸過蝦的油,滾起轉中火,放入蒜粒及指天椒炒至金黃。

5)把蝦回鍋炒勻,平均灑下淮鹽(由其在肉上),把蝦煮至九成熟。

6)最後圍鑊邊倒下紹酒,略炒收乾即成。

上碟後放些芫茜裝飾即成!

P.S. 

1)有很多人喜用樽裝椒鹽代替淮鹽,但個人認為淮鹽比椒鹽香得多,寧願用指天椒去控制辣度。

2)煮蝦切忌煮至全熟,9成熟為最佳。

3)這食譜亦可煮瀨尿蝦。



玻璃朱Bonnie

2 則留言:

Carman Li 說...

21年前???有冇寫錯呀? 咁你咪幾歲就學煮餸?
hehe~
呢道菜睇見都流口水, 又冇出街食咁油...多謝分享!

玻璃朱 Bonnie 說...

我呢啲死老嘢嚟架啦!haha