11/27/2013

【豬腳薑醋】食譜



大家都知我一個多月前已經浸好薑醋,留待十二朝後食用及煮給好友家人們吃。結果大家吃過也讚不絕口,說從未吃過這麼好吃的薑醋,不斷地問拿食譜。在這裡就為大家公開一下。



以下份量夠給20至30人食用,若只是自己家人煮來吃,請將份量除四。

材料:

薑 --- 10斤(大多數人用老薑,但我今次用中薑,即不老不嫩的十個月薑)

豬手 --- 3隻(斬件)

豬腳 --- 6隻(斬件)

雞蛋 --- 30隻

甜醋 --- 20斤(4大樽)

黑糯米醋 --- 2枝



今次最多朋友讚的,便是我的【薑】了。我的薑是好朋友自己種的,不含農藥。大部份人用老薑(種了一,兩年以上的薑)去煲,夠辣夠薑味但吃時卻有渣。反而我今次是用些種了10個月的「中年薑」去煮,又夠稔又沒有渣,薑味又夠。雖不是太辣,但人吃人讚。自己吃豬腳薑從來不吃薑的,今次也吃了很多,我還叫我朋友應該創辦這個【生仔薑】送貨服務啦。



醋方面我選了「同珍」,因在食品節時有送貨服務。一樽醋有5斤。若你有10斤薑,便要有20斤甜醋。同珍比八珍少甜一些。



黑米醋亦是酸醋,可因應自己口味加入。我是每5斤醋下半枝黑米醋,所以20斤醋要兩枝便夠。



做法:

1)薑去皮,切小段。薑用白鑊炒熱,放入大煲內。(薑皮可留來坐月煲薑水用)

2)將甜醋加入煲內,浸蓋過薑便可。開火煲滾後轉小火再煲1小時後熄火。蓋蓋由它自然冷卻。

3)以後每星期再翻煲一次,每次煲滾便可以熄火。重複浸夠至一個月(我的浸了個半月)。

4)豬手豬腳飛水10分鐘,拿起過水洗淨備用。

5)雞蛋凍水下小火煮10分鐘,之後浸冰水至冷卻,去殼。



6)把之前浸好的薑醋分出一些放一個新煲內,加入黑糯米醋調味,再加入豬手豬腳煲滾,轉小火煲約1小時至豬腳夠稔。最後15分鐘加入雞蛋後熄火,之後整煲浸過夜。食用前再翻熱便可。(若你只煮少量,可直接把所有豬腳豬手加入之前的薑醋整煲去炆。若好像我煮大量,分開用新煲會比較好些。因為加入肉及蛋後的薑醋不可以放太久,但只有薑及醋卻可以放很久不會變壞。只要你還有足夠的薑醋,便可以不斷加入豬手/腳及雞蛋去炆。



酸甜度適中,薑又夠稔又沒有渣。蛋夠入味,豬腳夠稔。真係好正呀!!!其實一點也不難煮,只是需要花長時間去浸。不過見大家吃得那麼開心,所有也值得啦。



玻璃朱Bonnie

11 則留言:

雀后 說...

我都鐘意用同珍煲薑醋架!

Mr and Mrs Leung 說...

自己煲醋, 真辛苦呀

玻璃朱 Bonnie 說...

唔辛苦

玻璃朱 Bonnie 說...

好好味!

Josephine 說...

BONNIE ~~ 你開刀未夠一個月朋友話唔可以食薑醋架 !!

玻璃朱 Bonnie 說...

比朋友食多

私房薑醋 - 豬腳蛋薑醋、素薑醋 說...

要老人家或產婦三個星期這樣拼搏很難的。坐月一定要好食、有益、派得多,我反覆實驗,吃了幾十斤薑、二十幾隻豬手/豬腳之後都一一解決了,還把心得寫下,尤其是《產婦怎麼吃》、《醋經》、《薑經》、《豬腳經》,從食家、行家、醫療保健角度探討薑醋,用品味~知識~良心修正傳統,歡迎光臨指教、試食驗證。
阿華真薑醋
https://www.facebook.com/12thdayginger

Unknown 說...

如果整少量來食d薑醋都要反覆煮侵一個月嗎?定一次過落埋豬腳煲一個鐘就ok?

Unknown 說...

我想請問,我都煲咗薑醋,啱啱12朝,正想加豬,同試味,但覺得煲薑醋有啲好少嘅苦味同好似唔甜,我浸咗2個月,係咪薑多得滯,我大慨15斤甜醋,1近酸醋,薑就唔記得多少可能10斤鬆啲,我依家可以點?

Unknown 說...

請問我個煲得7公升,材料是否要減小?

Unknown 說...

請問我個煲得7公升,材料是否要減小?