香港最有特色的海鮮，都是由當年「避風塘」做起。但當年的艇仔檔也全上岸開鋪了，曾經絕跡；新一代的港人（包括我）也未曾真正試過在艇仔上吃海鮮的滋味。但近年興懷舊，艇仔檔也再次興起，想當年亦曾經是避風塘其中一家的「信記」便重臨灣仔避風塘了！為食的我當然要去試試。
上船位在約在怡東酒店對外的避風塘碼頭，去到便會見一排艇平排著，每一隻艇便是一枱人客。
碼頭會有人接待你，知後他們會撐船過來接客人過去。每一隻船也有一張長枱。
撐呀撐，十分過癮！
途經在一排客人艇的對面約30米，便是用來做廚房的艇。餸菜都是由那裡撐艇送來！
今晚和Keon的三個契媽一起吃飯！她們是我認識二十多年最好的朋友！
先來啤一啤！這裡只做套餐，電話訂枱時要決定好。由二人餐$10xx，四人餐$14xx。。。人數以雙數上如此類推至12人餐。所以如果你5人去便要叫6人餐了。
先來「豉椒炒蜆」，算是全晚最差的瑋道菜。醬汁味道其實是很好，可惜涼了不夠熱。蜆亦煮得太熟太乾身。
「白灼基圍蝦」卻挽回很多分數！蝦本身十分新鮮晶瑩，生熟度又剛好！正！
「避風塘炒蟹」亦不俗，而且份量很多，有兩隻蟹啦！
「蒜蓉粉絲蒸聖子皇」亦好新鮮又大隻！
套餐原來是聖子或鮑魚二選一的，我跟他們說兩樣也要，結果每人加$50。「果皮蒸鮑魚」也很好亦夠大隻。
之後有三小碟！白灼水魷及豬肚豬脷是我最愛！
最後有「燒鴨河」，當然你亦可選泥鯭粥（都是二選一）。鴨河夠熱河粉又滑又幼！極力推薦！
評論：
當初抱著只去食「環境氣氛」的心態去試，但食品卻是比預期好很多！當然仍不能跟我最愛的「避風塘興記」相比，但這艇仔「信記」絕對不遜太多，再加上環境氣氛，大家也十分滿意！記得要一早訂位，不接受walk in！
信記-避風塘海鮮美食
地址：銅鑼灣避風塘維園道碼頭（怡東酒店對開）
Tel：81120075
玻璃朱Bonnie
沒有留言:
發佈留言