2/11/2014

【泰式生蝦】食譜

去泰國旅行時,我一定天天吃這「กุ้งแช่น้ําปลา Goong Chae Nam Bla」泰式生蝦!最吸引我的一定是它的泰式辣汁「น้ำจิ้ม Namjim」。其實有時在香港街市,也會見到這種游水海蝦!做法亦十分容易!當然最重要找一檔信得過的海鮮檔,確保食材衛生才可!


材料:

活海蝦---10-12隻

酸辣汁料:

青辣椒---2隻(喜歡辣可以多加1,2隻)
芫荽---1小棵(我連根,泰國人喜用根作香料)
蒜頭---3粒

調味料:

魚露---2湯匙
青檸汁---2.5湯匙
糖---2茶匙(我用紅䉀糖,如沒有用普通糖也可)

1)將蒜頭,辣椒,芫茜洗淨再打爛(或用刀啄爛)。

2)加入調味料,攪勻,試味。可因個人口味加減調味料。放入雪櫃備用。

3)蝦用食水洗淨,切頭。

4)去殻

5)殻留蝦尾最後一節

6)浸入冰食水一會

7)去完殻再拿出來,由背部開邊。

8)挑去中間的腸

9)切好了便放上碟,用保鮮紙包好,放入雪櫃雪至食時才拿出來(可以雪2小時會更爽)。

10)配上汁醬,即成!

蝦肉又夠爽口(不用浸梳打水也很爽)!汁又正,不用去泰國吃也可以自己弄!

這個泰式辣汁NamJim真的勁好味!除了配生蝦外,其實也可以配很多海鮮如:翡翠螺,生蠔,蒸蜆,燒魷魚。。。

P.S:記住千萬不要用切過生肉的砧板及刀去切刺生啦。



玻璃朱Bonnie








8 則留言:

Mr and Mrs Leung 說...

最近去泰國都想食, 不過朋友唔敢...
有時超市都有賣泰國生蝦, 唔知信唔信得過呢?

玻璃朱 Bonnie 說...

我個人食嘢好大膽,去泰國都周街食(係唔敢係大陸食)。唔敢同你講邊間一定得,最緊要係游緊水又生猛,養住佢d水又乾淨就ok. 如果自己腸胃唔好就唔好博!用個汁點蒸蜆,魷魚一樣正!

Unknown 說...

青檸汁係一個個青檸整出黎定有支青檸汁呀?如果有呢支野,可唔可以話我知係邊買?
Thanks!!!!!!!!!

Unknown 說...
網誌管理員已經移除這則留言。
玻璃朱 Bonnie 說...

City super

Unknown 說...

請問魚露有冇好介紹? 我見有好多牌子, 唔知揀邊支好, thanks :-)

玻璃朱 Bonnie 說...

天秤牌

Unknown 說...

我食過自助餐既海鮮都很爽口,你指既梳打水係罐裝氣水還是梳打粉加水?真係好想知點解咁爽口😁